მცირე მეწარმეებისთვის გარკვეული საგადასახადო ამნისტია ცხადდება.
ცვლილება „საგადასახადო კოდექსში" შედის. დღეს საფინანსო-საბიუჯეტო კომიტეტმა „საგადასახადო კოდექსში" ცვლილებებზე იმსჯელა. სხდომაზე შემოსავლების სამსახურის უფროსი ჯაბა ებანოიძე იყო მიწვეული.
„ეს იქნება მნიშვნელოვანი შეღავათი მცირე მეწარმეებისთვის", - აღნიშნა ებანოიძემ ჟურნალისტებთან საუბარში.
ებანოიძის თქმით, თუ 2005 წლამდე წარმოშობილ დავალიანებაზე, მცირე მეწამეებს ძირი თანხა დაფარული ექნებათ, მას შემდეგ დარიცხული საურავი და ჯარიმა, მთლიანად მოეხსნებათ.
