აჭარის მთავრობის დღევანდელ სხდომაზე 2012 წლის ბიუჯეტის პროექტზე იმსჯლეს, რომელიც 115 მლნ. 585 ათასი ლარით განისაზღვრა.
მნიშვნელოვანია, რომ 2012 წლიდან აჭარის მაღალმთიანეთის სკოლები უცხო ენების პედაგოგებით სრულად დაკომპლექტდება. 40 მასწავლებელი ხელფასზე 300-ლარიან დანამატს მიიღებს. ისინი საცხოვრებლითაც იქნებიან უზრუნველყოფილნი.
ბიუჯეტის პროექტის თანახმად, ჯანმრთელობისა და სოციალური დაცვის სამინისტროს დაფინანსება დაახლოებით 2,5 მლნ-ით მოიმატებს და 6 მლნ-ზე მეტი იქნება. გაისად, სამინისტრო 13 პროგრამას განახორციელებს. ახალი პროგრამებით, სახელმწიფო 70-100 000 ქულის მქონე მოსახლეობას ჰოსპიტალიზაციის, მშობიარობისა და ონკოლოგიური დაავადებისას ოპერაციისა და მკურნალობის ხარჯებს დაუფინანსებს.
მთავრობის თავმჯდომარის განცხადებით, ბიუჯეტი მოსახლეობის კეთილდღეობაზეა ორიენტირებული და იგი მათი ინტერესებს ითვალისწინებს.
