შპს „ბათუმგამწვანება" იყიდება. „გადახდისუუნარობის შესახებ" კანონის 38-ე მუხლის შესაბამისად, შპს „ბათუმგამწვანების" გაკოტრების მმართველი, ნუკრი ტაკიძე შპს „ბათუმგამწვანების" სამეურვეო ქონების ერთიანი კომპლექსის სახით გაყიდვის მიზნით აუქციონს აცხადებს. აუქციონზე გასაყიდი სამეურვეო ქონების საწყისი ფასი 1 მლნ. 582 ათას 82 ლარი და 55 თეთრია და მისი გაყიდვა 7 ნოემბრისთვის ჩანიშნულ აუქციონზე იგეგმება.
აუქციონზე ქონების რეალიზაციის შემთხვევაში ქონების შემძენს ევალება საზოგადოების ანგარიშზე შეიტანოს გადასახდელი თანხა სრულად 20 საბანკო დღის განმავლობაში, რომლის შემდეგაც შემძენს, დადგენილი წესით, წარმოეშობა საკუთრების უფლება. თუ შემძენი აუქციონის პირობებით განსაზღვრულ ვადაში არ გადაიხდის ქონების ფასს, აუქციონის შედეგები ანულირდება, გადახდილი ბე არ დაუბრუნდება ან ამოქმედდება საბანკო გარანტია.
