საპარლამენტო უმრავლესობის ლიდერის პეტრე ცისკარიშვილის შეფასებით, სახელმწიფოსთვის პრიორიტეტულია არა ბაყაყი და სირაქლემა, არამედ, სიმინდი, ხორბალი და ღვინო.
ცისკარიშვილის თქმით, სოფლის მეურნეობის სფეროს დაფინანსება მხოლოდ იმ თანხებით არ განისაზღვრება, რომელიც სახელმწიფო ბიუჯეტშია გაწერილი.
ცისკარიშვილმა ქრისტიან-დემოკრატებსაც უპასუხა. ~ქრისტიან-დემოკრატმა~ გიორგი თარგამაძემ იკითხა: ქვეყანა ისევ იმ ილუზიების ამარა რჩება, რომ "სირაქლემას კვერცხებმა, ბაყაყებმა და მოცვმა უნდა გადაგვარჩინოს~, თუ პარლამენტი მთავრობასთან ერთად მწყობრ სტრატეგიას ჩამოაყალიბებს.
~თქვენ, რატომაღაც სოფლის მეურნეობაში ბაყაყებისა და სირაქლემების გარდა, სხვას ვერაფერს ხედავთ. ამ დროს სიმინდის მოსავალი გაორმაგდა და ახალი სათესლე მასალის დამსახურებით ერთ ჰექტარზე 1,5 ტონის ნაცვლად, 4-5 ტონა სიმინდი მოვიდა. გაიზარდა ხორბლის მოსავალიც და ერთ ჰექტარზე 3 ტონა ხორბალი მოვიდა. რაც შეეხება ღვინოს, თუკი რუსეთის ემბარგომდე საქართველოდან ექსპორტზე 1 მილიონი ბოთლი ღვინო გადიოდა, ბოლოს წლების მონაცემებით, საექპორტოდ 20 მილიონი ბოთლი ღვინო გადის, რაც არის 4-ჯერ გაზრდილი ფულადი შემოსავალი~, - განაცხადა პეტრე ცისკარიშვილმა.