საქართველოს სტატისტიკის ეროვნული სამსახურისა და შვედეთის სტატისტიკის ერთობლივი პროექტის ფარგლებში 24-28 ოქტომბერს საქსტატს შვედეთის სტატისტიკის მისია ეწვია.
ექსპერტები მთელი კვირის განმავლობაში ფასების სტატისტიკის სამმართველოს თანამშრომლებთან იმუშავებენ. შეხვედრების ძირითადი მიმართულება სამომხმარებლო ფასების ინდექსებთან დაკავშირებული მეთოდოლოგიური საკითხებისა და ინფლაციის დათვლის მეთოდების განხილვა იქნება.
საქსტატსა და შვედეთის სტატისტიკას შორის 3-წლიანი თანამშრომლობის პროექტის ფარგლებში შვედეთის სტატისტიკა საქსტატს ტექნიკურ დახმარებას უწევს ინფლაციის, მთლიანი შიდა პროდუქტის, თანამშრომელთა ტრენინგის, და სხვა ძირითადი სტატისტიკური კომპონენტების ხარისხის გაუმჯობესების მიმართულებით. პროექტის ბიუჯეტი 4 მილიონი ლარის ექვივალენტს შეადგენს შვედურ კრონებში და მთლიანად დაფინანსებულია შვედეთის საერთაშორისო განვითარების სააგენტოს (SIDA) მიერ
