სავაჭრო-სამრეწველო პალატა ბიუჯეტიდან დამატებით 0,5 მლნ ლარს მიიღებს. აღნიშნული თანხა ბიზნეს გაერთიანებას მთავრობის სარეზერვო ფონდიდან გამოეყოფა.
როგორც ცნობილია მთავრობის სარეზერვო ფონდიდან ეკონომიკისა და
მდგრადი განვითარების სამინისტროს 200 ათასი ლარი, საქართველოს სავაჭრო-სამრეწველო პალატისათვის უკვე გამოეყო. აღნიშნული თანხა,
ქვეყანაში ბიზნესგარემოს გაუმჯობესების მიზნით ახალი სამოქმედო გეგმის განხორციელებას უნდა მოხმარდეს.
საქართველოს სავაჭრო-სამრეწველო პალატამ მიმდინარე წლის 12 ოქტომბრის
№13-03/176 წერილით მთავრობის წინაშე აღნიშნული გეგმით განსაზღვრული
ღონისძიებების განსახორციელებლად დამატებით 300 000 ლარის გამოყოფის
საკითხი დააყენა.
ზემოაღნიშნულიდან გამომდინარე, მომზადდა მთავრობის განკარგულების პროექტი, რომელიც სარეზერვო ფონდიდან ეკონომიკისა და მდგრადი განვითარების სამინისტროსათვის დამატებით 300 ათასი ლარის გამოყოფას ითვალისწინებს, შემდგომ სავაჭრო-სამრეწველო პალატისათვის გადასაცემად.
შესაბამისად ეკონომიკისა და მდგრადი განვითარების სამინისტროს, სავაჭრო-სამრეწველო პალატის დასაფინანსებლად 500 ათას ლარს მიიღებს.
