ბერა ივანიშვილმა ახალი კლიპი სიმღერა „
ქართული ოცნება " Facebook-ით წარადგინა. როგორც ბერა Facebook-ში თავის გვერდზე წერს „ყველა მედია საშუალებამ უარი თქვა ამ კლიპის გაშვებაზე, მხოლოდ youtube-ზე შევძელით მისი ატვირთვა".
ბერა ივანიშვილმა ახალი სიმღერა მამის ბიძინა ივანიშვილის მიერ პოლიტიკური პარტიის შექმნის შესახებ გადაწყვეტილებას მიუძღვნა.
"შიშის და ჩურჩულის დრო დამთავრდა, ახლა ხმამაღლა, მთელი ხმით, მთელი საქართველოს და მთელი მსოფლიოს გასაგონად ლაპარაკის დროა, მთელს მსოფლიოს მივაწვდინოთ ჩვენი სიმართლე. ჩვენ ერთად უნდა ავიხდინოთ ქართული ოცნება. ეს არის ერთიანი, მთლიანი, ძლიერი, სამართლიანი საქართველო", - ეს არის ბერა ივანიშვილის ახალი სიმღერის ტექსტის ნაწყვეტი.
კლიპის ქრონომეტრაჟი 3.18 წუთია.
