თბილისში პოლონელი ჟურნალისტების 10-კაციანი ჯგუფი ჩამოვიდა. ჯგუფში პოლონეთის წამყვანი ტელევიზიების, რადიოსა და პრესის წარმომადგენლები არიან გაერთიანებული. მათი მიზანია, ადგილზე გაეცნონ საქართველოს ტურისტულ პოტენციალს და ჩვენი ქვეყნის შესახებ მოამზადონ საინფორმაციო მასალა.თბილისის, მცხეთისა და ქუთაისის შემდეგ პოლონელი სტუმრები ბათუმს ეწვევიან.
აჭარის ტურიზმის დეპარტამენტის ინფორმაციით, საინფორმაციო ტურის ფარგლებში ისინი მოინახულებენ ქედის ღვინის სახლს, ბოტანიკურ ბაღს, გონიოს ციხეს, დაათვლიერებენ ღამის ბათუმსა და ქალაქის სხვა ღირშესანიშნაობებს.
პოლონელების ჯგუფს ბათუმში აჭარის ტურიზმისა და კურორტების დეპარტამენტი უმასპინძლებს. ჟურნალისტები პირადად მიიღებენ ინფორმაციას დეპარტამენტის თავმჯდომარის, ვაჟა დიასამიძისაგან აჭარაში არსებული ტურისტული პოტენციალისა და სამომავლო გეგმების შესახებ. ჟურნალისტები საქართველოს 18 ოქტომბერს დატოვებენ.
