ნიგერიაში მეკობრეების მიერ დაკავებული ხომალდისა და მეზღვაურების გათავისუფლებასთან დაკავშირებით მოლაპარაკებები წარმატებით დასრულდა - გამტაცებლებმა გერმანული კომპანიის კუთვნილი გემი და მასზე მყოფი ადამიანები, მათ შორის, 12 ქართველიც გაათავისუფლეს. ამის შესახებ დღეს გამართულ ბრიფინგზე ეკონომიკისა და მდგრადი განვითარების მინისტრის მოადგილე გიორგი კარბელაშვილმა განაცხადა.
"პირველივე წუთებიდან გვქონდა კავშირი გემთმფლობელებთან და ყველა საერთაშორისო ორგანიზაციებთან, რომელიც ჩართულია საზღვაო სფეროში და ყველაფერი გაკეთდა მთავრობის მხრიდან ამ მეზღვაურების გასათავისუფლებლად. დღეს დილით 6 საათზე თორმეტივე ქართველი მეზღვაური გაათავისუფლეს და ისინი რამდენიმე დღეში ჩამოვლენ საქართველოში" - განაცხადა კარბელაშვილმა.
შეგახსენებთ, რომ მარშალის კუნძულების დროშის ქვეშ მცურავი "კოლუმბია შიპ მენეჯმენტის" კუთვნილი ხომალდი აფრიკაში მეკობრეებმა აიყვანეს.