იტალიური ენის მეთერთმეტე მსოფლიო კვირეული 17-დან 21 ოქტომბრამდე მოეწყობა. წლევანდელი კვირეული "დაბადების დღეს გილოცავთ, იტალია!", რომელიც იტალიის გაერთიანების 150 წლისთავს ეძღვნება, ხორციელდება საქართველოში შვეიცარიის საელჩოს, ქ. ქუთაისის მერიას, საქართველოს თეატრის, კინოს, მუსიკისა და ქორეოგრაფიის სახელმწიფო მუზეუმსა და ქ. ქუთაისის დავით კაკაბაძის სახელობის სახვითი ხელოვნების გალერეასთან თანამშრომლობით.
კვირეულის ფარგლებში კინოთეატრ "რუსთაველში"სილვიო სოლდინის ფილმის "პური და ტიტების" ჩვენება მოეწყობა.
20 ოქტომბერს, 18:00სთ -ზე, ჯავახიშვილის სახელობის თბილისის სახელმწიფო უნივერსიტეტის საკონფერენციო დარბაზში ხათუნა ცხადაძის საჯარო ლექცია გაიმართება უგო რიკარელის რომანზე "იდეალური ტკივილი".
21 ოქტომბერს 17:00სთ-ზე კი ქ. ქუთაისის დავით კაკაბაძის სახელობის სახვითი ხელოვნების გალერეაში მოეწყობა გამოფენა "იტალია საქართველოში: ათასწლოვანი დიალოგი". გამოფენაზე წარმოდგენილი იქნება ასამდე ექსპონატი: ფარსმან მეფის (ჩვ.წ.აღ-ით II საუკუნე) რომში სტუმრობის ამსახველი სურათები, მოგზაურებისა და მისიონერების ჩანახატები, თბილისში იტალიელი არქიტექტორების პროექტები, სასცენო ესკიზები და კოსტუმები, ფედერიკო ფელინის და სხვათა წერილები და ხელნაწერები.
ცნობისთვის, ყველა ღონისძიებაზე დასწრება უფასოა.
