საქსაფონისტი ლოიდი, ჯაზის ერთ-ერთი უდიდესი ფიგურა 1960-იანი წლებიდან მოყოლებული, ქმნის ისეთ მუსიკას, რომელსაც შუძლია ერთმანეთთან დააკავშიროს მსოფლიოს ნებისმიერ კუთხეში მცხოვრები ადამიანი. მის მუსიკაზე დიდი გავლენა აქვს ჯონ კოლტრეინს, რომელსაც ხშირად ადარებენ კიდეც. ლოიდი თბილისს ახალი პროექტით ეწვევა, კვარტეტთან ერთად.

თბილისის ჯაზფესტივალზე ლარი კორიელი თანამედროვეობის ერთ-ერთი საუკეთესო ჯაზ-ფიუჟენ გიტარისტია. ლოიდის მსგავსად, ისიც 60-იანი წლებიდან მოღვაწეობს და ბევრ ცნობილ მუსიკოსთან ერთად დაუკრავს, მათ შორის ჩიკო ჰამილტონთან, გარი ბარტონთან, რომელიც თბილისს ერთხელ უკვე ეწვია. ლარი იყო The Guitar Trio-ს წევრი, ლეგენდარულ პაკო დე ლუსიასა და ჯონ მაკლაფინთან ერთად.

თავის ახალ პროექტს წარმოადგენს თბილისის ჯაზ-ფესტივალზე სონი ემორი, გრემის მფლობელი და ძლიერი დრამერი. ის საკუთარ ბენდთან, Cachet Fusion-თან ერთად გამოვა.
ემორი ბენდ The Jazz Crusaders-ში უკრავდა. თუმცა, ჯო სემპლის კოლექტივი ერთადერთი არ იყო, ვისთანაც მას დაუკრავს. ელ ჯერო, დევიდ სენბორნი, სტენლი კლარკი - ეს იმ უდიდესი მუსიკოსების არასრული ჩამონათვალია, რომლებთანაც ემორის დაუკრავს.

ცნობისთვის, თბილისის მე-14 საერთაშორისო ჯაზ ფესტივალზე დასასწრები ბილეთები 11 ოქტომბრიდან უკვე იყიდება.