დღეს, მეტროსადგურ ავლაბართან ცნობილი კინოფილმის "მიმინოს" მთავარ გმირთა ძეგლი გაიხსნება. ზურაბ წერეთლის ახალი ნამუშევარი ბრინჯაოსგან არის ჩამოსხმული.
ოთხი ქანდაკების გამაერთიანებელი კომპოზიცია საზეიმო ცერემონიის ფონზე გაიხნება. ძეგლის პრეზენტაცია 17:00 საათზე გაიხსნება. "მიმინოს" გმირებთან ერთად, ძეგლის გახსნას ზურაბ წერეთელი დაესწრება, რომელიც მოსკოვიდან თბილისში უკვე ჩამოვიდა.
აღსანიშნავია, რომ ქანდაკება ავლაბრის მოედანზ უკვე გახსნილია და მისი ნახვის საშუალება მსურველებს უკვე აქვთ, თუმცა ქანდაკების გახსნის ოფიციალური ცერემონიალი მოგვიანებით გაიმართება.
ზურაბ წერეთელმა ეს ქანდაკება ჯერ კიდევ 2007 წელს შექმნა. მაშინ ქანდაკება მოსკოვში უნდა დადგმულიყო, თუმცა მისთვის იქ ადგილი არ გამოიძებნა. ძეგლის გახსნას ფრუნზიკ მკრტიჩიანის ოჯახის წევრებიც დაესწრებიან.
