საქართველოს ენერგეტიკისა და ბუნებრივი რესურსების სამინისტროს, საქართველოს ფინანსთა სამინისტროსა და განვითარების ფრანგულ სააგენტოს (AFD) შორის ურთიერთგაგების მემორანდუმი 7 ოქტომბერს გაფორმდა.
მემორანდუმს ხელი ენერგეტიკისა და ბუნებრივი რესურსების მინისტრის მოადგილემ გიორგი ყაველაშვილმა, ფინანსთა მინისტრის მოადგილემ კონსტანტინე კინწურაშვილმა და განვითარების ფრანგულ სააგენტოს აღმასრულებელმა დირექტორმა ჯაკ მოინეველემ მოაწერეს. მემორანდუმი დაბა მესტიაში, ბიომასის თბოსადგურის პროექტის განვითარებისათვის ფინანსურ მხარდაჭერას ითვალისწინებს.
ბიომასის თბოსადგურის პროექტის განხორციელებით, დაბა მესტია ცენტრალური გათბობის სისტემითა და ცხელი წყლით იქნება უზრუნველყოფილი, რაც თავის მხრივ მესტიაში ტურისტულ ინფრასტრუქტურას განავითარებს. ამჟამად, დაბა მესტიის მოსახლეობისათვის გათბობის ერთადერთი საშუალება შეშის ღუმელია. პროექტის განხორციელებით შეშაზე მოთხოვნა მკვეთრად შემცირდება, რის შედეგადაც რეგიონში ტყის რესურსი შენარჩუნდება.
მასალის გამოყენების პირობები
