9 ოქტომბრიდან 22 ოქტომბრის ჩათვლით, აჭარის ტურიზმისა და კურორტების დეპარტამენტის თანამშრომლები, ეტაპობრივად გაემგზავრებიან თურქეთის საკურორტო ქალაქ კუშადასში, სადაც ისინი სხვადასხვა ტურისტულ სააგენტოებში ტრეინინგებს გაივლიან. აჭარის ტურიზმის დეპარტამენტში აცხადებენ, რომ ქართულ დელეგაციას მასპინძლობას დაუწევს კუშადასის მუნიციპალიტეტი.
ვიზიტის მიზანია დეპარტამენტისა და ბათუმის ტურისტული სააგენტოს თანამშრომლები ადგილზევე გააეცნონ სხვადასხვა ტურისტული ობიექტების მუშაობის პრინციპებს და ურთიერთობა დაამყარონ ადგილობრივ ტურისტულ სააგენტოებთან. აღნიშნულ ღონისძიებას დიდი მნიშვნელობა აქვს ტურიზმის სფეროში დაგროვებული გამოცდილების ურთიერთგაცვლის თვალსაზრისითაც.