ბათუმში, "ბათუმი პლაზაში" ყაზახეთის უმსხვილესი საფინანსო ორგანიზაცია "ხალიკ ბანკის" პირველი ფილიალი გაიხსნა.
ბანკი ქართულ ბაზარზე სამი წლის წინათ შემოვიდა. აჭარაში ფილიალის გახსნა კონკურენტუნარიანი საინვესტიციო გარემოს არსებობის გამო გადაწყდა.
"ხალიკ ბანკი საქართველოს" გენერალური დირექტორის ნიკოლოზ გეგუჩაძის განცხადებით, ბანკი ადგილობრივ მოსახლეობასა და ბიზნეს სექტორს საბანკო პროდუქტების ფართო სპექტრს შესთავაზებს.
"ხალიკ ბანკი" ყაზახეთის სახალხო ბანკის შვილობილია, რომელიც არსებობის 87 წელს ითვლის და ქვეყანაში საფინასო ბაზრის ერთ-ერთი ლიდერი ორგანიზაციაა. მისი აქტივები 15 მილიარდ დოლარს შეადგენს.
ბანკის ბათუმის ფილიალში 8 ადგილობრივი კადრია დასაქმებული, წლის ბოლომდე კი მათი რიცხვი 22-მდე გაიზრდება.
