აფხაზეთის მთავრობა აფხაზეთის ავტონომიური რესპუბლიკის სავაჭრო-სამრეწველო პალატას ქმნის, რომელშიც ამ დროისათვის 20 კომპანია გაწევრიანებული.
აფხაზეთის მთავრობის თავმჯდომარის მიერ ხელმოწერილ განკარგულებაში ნათქვამია, რომ „საინიციატივო ჯგუფის წინადადების საფუძველზე, მეწარმე სუბიექტების კოორდინაციის, სამეწარმეო საქმიანობის განვითარების, ინვესტიციების მოზიდვის, მეწარმეთა ინტერესების დაცვისა და მათი საქმიანობისათვის ხელსაყრელი პირობების შექმნის, საქართველოსა და საზღვარგარეთის ქვეყნების საწარმოებს შორის სავაჭრო, სამრეწველო, სამეცნიერო-ტექნიკური კავშირების დამყარებისა და განვითარებისათვის ხელშეწყობის მიზნით" იქმნება საჯარო სამართლის იურიდიული პირი - აფხაზეთის ავტონომიური რესპუბლიკის სავაჭრო-სამრეწველო პალატა.
აფხაზეთის ავტონომიური რესპუბლიკის სავაჭრო-სამრეწველო პალატის საქმიანობაზე სახელმწიფო კონტროლს აფხაზეთის ავტონომიური რესპუბლიკის ეკონომიკის სამინისტრო განახორციელებს.
ამ დროისთვის უცნობია ვინ გახდება აფხაზეთის ავტონომიური რესპუბლიკის სავაჭრო-სამრეწველო პალატის თავმჯდომარე.
თავმჯდომარეს სავაჭრო-სამრეწველო პალატის საერთო კრება აირჩევს.
