ქობულეთში თევზის ინკუბატორის მოსაწყობად აჭარის მთავრობა ინვესტორს ეძებს. აჭარის ფინანსთა და ეკონომიკის სამინისტროს ინფორმაციით, ქობულეთში, სოფელ აჭიში არასასოფლოსამეურნეო დანიშნულების მიწის ნაკვეთი პირობებიან ელექტრონულ აუქციონზე იყიდება, ობიექტის საწყისი ღირებულება 8 000 ლარია და აუქციონი დღეისთვის, 7 ოქტომბრისთვისაა დანიშნული.
მყიდველი ვალდებულია ხელშეკრულების გაფორმებიდან 2 წლის განმავლობაში თევზის ინკუბატორი შექმნას, რომელიც გათვლილი უნდა იყოს ერთდროულად არანაკლებ 250 000 ლიფსიტის გამოყვანაზე. ინვესტორი ვალდებულია ასევე ინკუბატორს პროფილი 20 წლის განმავლობაში შეუნარჩუნოს.
