"თბილისობის" დღესასწაულთან დაკავშირებით, დედაქალაქში 7 ოქტომბრის უქმე დღედ გამოცხადების მიუხედავად, საქართველოში მოქმედი კომერციული ბანკებისთვის სამუშაო დღე იქნება.
საქართველოს ეროვნული ბანკის პრეზიდენტის, გიორგი ქადაგიძის 6 ოქტომბრის N 85/04 ბრძანების საფუძველზე, საქართველოში მოქმედი კომერციული ბანკებისთვის 2011 წლის 7 ოქტომბერი საბანკო დღედ გამოცხადდა.
შესაბამისად, ყველა იურიდიულ და ფიზიკურ პირს შესაძლებლობა ექნება, განახორციელოს საბანკო ოპერაციები, მათ შორის, საქართველოს ეროვნული ბანკის საგადახდო სისტემის საშუალებით.
