აჭარის სოფლის მეურნეობის სამინისტროში "აგროსერვის ცენტრის" განვითარების საპროექტო წინადადების პრეზენტაცია მოეწყო. ევროკავშირში გრანტისთვის წარსადგენი პროგრამა აჭარის მთავრობის, სოფლის მეურნეობის სამინისტროსა და ევროკავშირის შესაბამისი კომისიის წარმომადგენლებს ჰოლანდიელმა ექსპერტმა, პეტრა გერეტმა გააცნო.
პროექტი აჭარაში აგრარული სექტორის სხვადასხვა მიმართულების განვითარებას ითვალისწინებს. დამტკიცებისა და დაფინანსების შემთხვევაში, იგი მომავალი წლიდან ამოქმედდება.
როგორც შეხვედრაზე აჭარის სოფლის მეურნეობის მინისტრმა დონარ სურმანიძემ აღნიშნა, ჰოლანდიის გამოცდილების გაზიარება "აგროსერვის ცენტრის" განვითარებისთვის მნიშვნელოვანია. პროექტში ჩართვა კი ხელს შეუწყობს სამინისტროს მიერ დაგეგმილი ღონისძიებების წარმატებით განხორცილებას.