ქართული ღვინის მწარმოებელი და ექსპორტიორი კომპანია "თბილღვინო" საერთაშორისო საფინანსო კორპორაციისგან (IFC) ფულს ისესხებს.
საკრედიტო ხელშეკრულება, 4 ოქტომბერს, 13:30, სასტუმრო "თბილისი მარიოტში" გაიმართება. ხელშეკრულება ხელს შეუწყობს საქართველოს სოფლის მეურნეობის სექტორის განვითარებას, ექსპორტის გაზრდას და უზრუნველყოფს სოფლად მცირე ფერმერებისთვის სამუშაო ადგილების შექმნას.
ხელშეკრულებას ხელს მოაწერენ IFC-ის ვიცე-პრეზიდენტი აღმოსავლეთ და სამხრეთ ევროპაში, ცენტრალურ აზიაში, ახლო აღმოსავლეთსა და ჩრდილოეთ აფრიკაში დიმიტრის ციცირაგოსი და თბილღვინოს პრეზიდენტი გიორგი მარგველაშვილი.