დამატებითი ინვესტიციების მოზიდვას და ახალი ინვესტორების მოძიებას ეროვნული საინვესტიციო სააგენტო გერმანიიდან შეეცდება. 4-6 ოქტომბერს, ეროვნული საინვესტიციო სააგენტო, გერმანიის ქალაქ მიუნხენში დაგეგმილ უძრავი ქონებისა და საინვესტიციო საერთაშორისო გამოფენა ``EXPO REAL 2011-ში მიიღებს მონაწილეობას, რომელშიც მთელი მსოფლიოს მასშტაბით, 1645 მონაწილე ეყოლება. გამოფენის ფარგლებში დაგეგმილია
მრავალი ისეთი სახის ღონისძიებები, როგორიცაა ორმხრივი შეხვედრები, ფორუმები, პრეზენტაციები. გამოფენაში ასევე, მონაწილეობას იღებს თბილისის მერია "ბილისი - შესაძლებლობათა ქალაქის" ფარგლებში. როგორც სააგენტო "ჯი-ეიჩ-ენს" თბილისის მერიაში განუცხადეს, მერია უძრავი ქონების გამოფენაზე რამდენიმე პროექტს წარადგენს, მათ შორის თბილისის ზღვის განვითარებისა და თბილისში რკინიგზის შემოვლითი გზის მშენებლობის პროექტებს.
რაც შეეხება ეროვნულ საინვესტიციო სააგენტოს, ის "EXPO REAL 2011"-ზე ქობულეთისა და ანაკლიის ტურისტული ზონების განვითარების პროექტებსა და მესტიისა და წყალტუბოს განვითარების პროექტებს წარადგენს. როგორც სააგენტოში განმარტავენ, გამოფენაზე მოხდება ასევე პოტენციური ინვესტორებისათვის, საპრივატიზაციო ობიექტებისა და ქვეყნის საინვესტიციო პოტენციალის პრეზენტაცია.