ენერგეტიკისა და ბუნებრივი რესურსების სამინისტროს სსიპ „ბუნებრივი რესურსების სააგენტომ" ბოლნისის, მარნეულის, დმანისის, წალკისა და თეთრიწყაროს მუნიციპალიტეტებში სასარგებლო წიაღისეულის (ფერადი, კეთილშობილი, იშვიათი მეტალები და ბარიტი) შესწავლა-მოპოვების ლიცენზია აუქციონზე გაყიდა.
აუქციონზე ლიცენზიის საწყისი ღირებულება 30 მლნ ლარს შეადგენდა. აუქციონში ორი კომპანია Anglo-Georgian Mining Company-ი და „კავკასიის სამთო ჯგუფი" მონაწილეობდნენ. კომპანიამ „კავკასიის სამთო ჯგუფი" აუქციონზე გამოტანილი 30-წლიანი ლიცენზია 93,5 მლნ ლარად შეიძინა.
აღსანიშნავია, რომ სასარგებლო წიაღისეულის შესწავლა-მოპოვების ლიცენზია ასეთ მაღალ ფასად პირველად გაიყიდა.
სსიპ „ბუნებრივი რესურსების სააგენტომ" ბოლნისის, მარნეულის, დმანისის, წალკისა და თეთრიწყაროს მუნიციპალიტეტებში სასარგებლო წიაღისეულის (ფერადი, კეთილშობილი, იშვიათი მეტალები და ბარიტი) შესწავლა-მოპოვების ლიცენზია აუქციონზე გასაყიდად მიმდინარე წლის 16 აგვისტოს გამოიტანა.