თბილისისა და ბათუმის საერთაშორისო აეროპორტების ოპერატორმა კომპანია ‘ტავმა’ Apple - ის პლანშეტური კომპიუტერ iPad -სთვის, ასევე iPhone -ის , Blackberry - ისა და ანდროიდული მობილურებისთვის აპლიკაცია გამოუშვა. ეს გახლავთ ფართო შესაძლებლობების მქონე აპლიკაცია, რომლის გამოყენებისას უკვე ნებისმიერს აქვს შესაძლებლობა ისარგებლოს ფრენების რეალური დროის ონლაინ განრიგით და მიიღოს ინფორმაცია ორივე აეროპორტის სხვადასხვა სერვისის შესახებ. ფაქტიურად ეს აპლიკაცია წარმოადგენს საძიებო სისტემის კატეგორიას, რაც მომხმარებლისთვის საკმაოდ კომფორტულია. აღსანიშნავია, რომ ახალი აპლიკაცია უფასოა და ხელმისაწვდომია ყველასთვის, მისი გადმოწერა შესაძლებელია თბილისის აეროპორტის ოფიციალური ვებ-გვერდიდან - www.tbilisiairport.com.
დღეისათვის საქართველოში ფართო მოხმარებაშია, როგორც სმარტფონები ასევე Apple - ის პლანშეტური კომპიუტერები, აქედან გამომდინარე ახალი აპლიკაციის გამოყენება მგზავრებს საშუალებას მისცემს მომენტალურად შეიტყონ ფრენის დეტალები და აეროპორტის სხვადასხვა შეთავაზებები. აპლიკაციამ უკვე მოიპოვა სპეციალისტებისა და ანალიტიკოსების დადადებითი შეფასება. ახალი აპლიკაციის გამოყენება შესაძლებელია ასევე ‘ტავ ჰოლდინგის’ მიერ ოპერირებად მსოფლიოს სხვა აეროპორტებშიც, როგორიცაა სტამბულის, ანკარის, იზმირის და ტუნისის საერთაშორისო აეროპორტები.
აპლიკაცია შეიქმნა და დაინერგა TAV IT -ის მიერ. TAV IT „ტავ ჰოლდინგის“ შემადგენლობაში შედის და უზრუნველყოფს ტავის მიერ ოპერირებადი 12 აეროპორტის საინფორმაციო-ტექნოლოგიურ სისტემას და მნიშვნელოვანი სტრატეგიული როლი ენიჭება ჰოლდინგის კომპანიათა შორის, მხოლოდ გასულ წელს TAV IT - იმ 118 ახალი პროექტი განახორციელა.
მასალის გამოყენების პირობები