ფინანსთა სამინისტროს აკადემიაში სპეციალური მოწვევით ამერიკის მენეჯმენტის ასოციაციის ევროპის ცენტრის (MCE) აღმასრულებელი დირექტორი მარკ დელაერტი იმყოფება. მარკ დელაერტი უკვე შეხვდა აკადემიის დირექტორს სერგო ნოზაძეს და ფინანსთა სამინისტროს დეპარტამენტების ხელმძღვანელ პირებს. შეხვედრაზე მხარეებმა მომავალ თანამშრომლობასა და ერთობლივი პროექტების განხორციელებაზე იმსჯელეს.
ამერიკის მენეჯმენტის ასოციაციას 100 წლიანი გამოცდილება აქვს და მსოფლიოში ერთერთ წამყვან ტრეინინგ ცენტრად არის აღიარებული. მის მიზნობრივ სეგმენტს ბიზნეს სექტორი, სამთავრობო ორგანიზაციები და ინდივიდუალური პირები წარმოადგენენ.
მხარეებს შორის მოლაპარაკებების დასრულების შემდეგ, ფინანსთა სამინისტროს აკადემიასა და ასოციაციას შორის ურთიერთთანამშრომლობის მემორანდუმის გაფორმება და ერთობლივი სასწავლო პროგრამების განხორციელება იგეგმება.
ამერიკის მენეჯმენიტის ასოციაციის ევროპის ცენტრი (MCE) 1961 წლიდან უზრუნველყოფს მაღალი ხარისხის სემინარებს, ტრეინინგებს და მენეჯმენტის განვითარების პროგრამებს ევროპისა და მთელი მსოფიოს მასშტაბით.
მასალის გამოყენების პირობები
