საქართველოს სტატისტიკის ეროვნული სამსახურის აღმასრულებელი დირექტორი ზაზა ჭელიძე ამერიკის საელჩოს ეკონომიკურ ჯგუფს და აშშ-ს სოფლის მეურნეობის დეპარტამენტის (USDA) წარმომადგენლებს შეხვდება.
ზაზა ჭელიძე ამერიკელ პარტნიორებს საქსტატის საქმიანობას გააცნობს. შეხვედრაზე მხარეები ასევე ისაუბრებენ მომავალი თანამშრომლობის პერსპექტივებზე. USDA საქსტატს მნიშვნელოვან დახმარებას უწევს სოფლის მეურნეობის სტატისტიკის მიმართულებით.