კახეთის შემდეგ "ქრისტიან-დემოკრატებმა" ჰიბრიდული სიმინიდის პროგრამა იმერეთში გააკრიტიკეს. პარტიის ერთ-ერთი ლიდერი გიორგი ახვლედიანი დღეს თერჯოლის რაიონის სოფელ ახალ თერჯოლაში იმყოფებოდა, სადაც მოსახლეობას შეხვდა და სიმინდის მოსავალთან დაკავშირებით გლეხების პოზიცია მოისმინა.
"გუშინ ჰიბრიდულ სიმინდთან დაკავშირებით კახელი გლეხების პრეტენზიები მოვისმინეთ. დღეს ვნახე, რომ გაცილებით მძიმე ვითარებაა იმერეთში. ხელისუფლების დაპირება და ადგილობრივების მოლოდინი ამერიკულმა სიმინდმა მინიმალურადაც ვერ გაამართლა და გლეხები სათესლე მასალის თანხის ამოღებასაც ვერ არხერხებენ. "ქრისტიან-დემოკრატები" კატეგორიულად მოვითხოვთ გლეხებს მოუხსნან დავალიანების გადახდის ვალდებულება და მორიგი უვარგისი, გაუთვლელი პროექტით გამოწვეული ზარალი თავად მთავრობამ დაფაროს" - განაცხადა გიორგი ახვლედიანმა.
