აჭარის ტურისტული პოტენციალის გასაცნობად თურქეთის დელეგაცია ჩამოდის. დღეს, ბათუმში თურქეთის დელეგაცია ჩამოდის. რეგიონის მთავრობის ინფორმაციით, ვიზიტის ფარგლებში აჭარას თურქეთის ახალგაზრდობისა და სპორტის მინისტრის მოადგილე, თურქეთის ტურიზმისა და კურორტების ასოციაციის თავჯდომარე, თურქეთის ავიახაზების გენერალური დირექტორი, სახელმწიფო არხის გენერალური დირექტორი და წამყვანი გაზეთების ჟურნალისტები ესტუმრებიან.
ვიზიტის მიზანი აჭარის ტურისტული და საინვესტიციო პოტენციალის გაცნობაა. ამავდროულად, თურქი ჟურნალისტები აჭარაზე სიუჟეტების მომზადებას გეგმავენ.
ბათუმის დათვალიერების შემდეგ, 23 სექტემბერს საერთაშორისო ინვესტორთა ასოციაციაში სტუმრები აჭარის ფინანსთა და ეკონომიკის მინისტრსა და ქართველ ბიზნესმენებს შეხვდებიან.