საქართველოს ეროვნული ბანკის მიერ გამოქვეყნებული მონაცემების მიხედვით "ჯიპიაი ჰოლდინგი" სადაზღვევო ბაზრის ლიდერია. ჯამში კომპანიის მიერ მოზიდულმა პრემიამ 33,577,360 ლარი შეადგინა, რაც 11%-ით მეტია წინა წლის ამავე პერიოდთან შედარებით.
"ამ შედეგის უკან, ცხადია, დგას თითოეული ჩვენი თანამშრომლის ძალისხმევა და მოტივაცია და რა თქმა უნდა, მენეჯმენტის მიერ სწორად შერჩეული სტრატეგია. ჯანმრთელობის დაზღვევა კვლავაც რჩება ჩვენს სტრატეგიულ მიმართულებად. მიუხედავად იმისა, რომ სახელმწიფო პროგრამით სადაზღვევო პრემია დაახლოებით30%-ით შემცირდა, ეს არ ასახულა ჩვენს პორტფელზე, ვინაიდან მნიშნელოვნად გაიზარდა კორპორაციული და ინდივიდუალური კლიენტების რაოდენობა. ამასთან ზრდა გვაქვს ძირითადად რამდენიმე სხვა მიმართულებით - არასიცოცხლის სახეობებში. შესაბამისად, შემცირებულია სახელმწიფო პროგრამების წილი მთლიან პორტფელში - 33%-მდე, რაც უფრო დივერსიფიცირებულს ხდის ჩვენს პორტფელს. ამ ფაქტორების გათვალისწინებით, უნდა ითქვას, რომ „ჯიპიაი ჰოლდინგი" ყველაზე სტაბილური და საიმედო კომპანიაა საქართველოში მოქმედ სადაზღვევო კომპანიებს შორის. დაგეგმილი გვაქვს ზრდის ტემპები წლის ბოლომდე შევინარჩუნოთ და ამისთვის შესაბამისი გეგმაც, რა თქმა უნდა, არსებობს. ჩვენი ფილიალების სახით ერთ-ერთი ყველაზე მძლავრი ქსელი გვაქვს მთელს საქართველოში და ჩვენი მომხარებლების რაოდენობაც დღითიდღე იზრდება. გვეამაყება, რომ მნიშვნელოვანი წვლილი შეგვაქვს საქართველოში სადაზღვევო კულტურის ჩამოყალიბებაში."- განაცხადა "ჯიპიაი ჰოლდინგის" გენერალურმა დირექტორმა გიორგი კვირიკაძემ.
შეგახსენებთ, რომ "ჯიპიაი ჰოლდინგი" დაარსდა 2001 წელს როგორც პირველი კერძო საპენსიო ფონდი საქართველოში. კომპანიის პრიორიტეტია ქვეყანაში სოციალური დაზღვევის განვითარება. უკვე რამდენიმე წელია დაზღვევის ამ სახეობებში, კერძოდ, საპენსიო და ჯანმრთელობის დაზღვევაში, "ჯიპიაი ჰოლდინგი" ბაზარზე ლიდერის პოზიციას ინარჩუნებს. "ჯიპიაი ჰოლდინგი" ევროპის ერთ-ერთი უმსხვილესი სადაზღვევო კომპანიის - "ვენის სადაზღვევო ჯგუფის" შვილობილი კომპანიაა.