აჭარის მთავრობა მინიმუმ 40 ნომრიანი სასტუმროს ასაშენებლად ინვესტორს ეძებს და ქობულეთში, აღმაშენებლის ქუჩა №215-ში მდებარე შენობა-ნაგებობებსა და მიწის ნაკვეთს 30 %-იანი ფასდაკლებით ყიდის, რადგანაც პირველ აუქციონზე აღნიშნულ ობიექტს მყიდველი არ გამოუჩნდა. ელექტრონული აუქციონი 28 სექტემბრისთვისაა ჩანიშნული და ობიექტის საწყისი ღირებულება 458 ათას 500 ლარია, მაშინ როდესაც პირველად აუქციონზე აღნიშნული ქონების საწყისი ღირებულება 655 ათას ლარად იყო შეფასებული.
ინვესტორი ვალდებული პირობებიანი ელექტრონული აუქციონის ჩატარებიდან 48 თვის ვადაში პრივატიზირებული ქონების ნაცვლად, ააშენოს და ექსპლუატაციაში შეიყვანოს სასტუმრო კომპლექსი არანაკლებ 40 სასტუმრო ნომრით.