2011 წლის II კვარტალში მთლიანი შიდა პროდუქტის მაჩვენებელმა მიმდინარე ფასებში 5 848,1 მლნ. ლარი შეადგინა. ამავე პერიოდში, მთლიანი შიდა პროდუქტის რეალური ზრდა წინა წლის შესაბამისი კვარტალის მიმართ 4,7 პროცენტი დაფიქსირდა, ხოლო დეფლატორის _ 10,7 პროცენტი.
"საქსტატის" ინფორმაციით, 2011 წლის ორი კვარტალის მონაცემებით მთლიანი შიდა პროდუქტის რეალური ზრდა წინა წლის შესაბამისი პერიოდის მიმართ 5,2 პროცენტი დაფიქსირდა, ხოლო დეფლატორის - 11,9 პროცენტი.
სტატისტიკის ეროვნულ სამსახურში განმარტავენ, რომ მთლიანი შიდა პროდუქტის მოცულობამ ერთ სულ მოსახლეზე 2011 წლის მეორე კვარტალში 1 308,5 ლარი შეადგინა.
მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა მრეწველობა (16,5 პროცენტი), შემდგომ პოზიციებს იკავებს ვაჭრობა (15,9 პროცენტი), სახელმწიფო მმართველობა (12,2 პროცენტი), ტრანსპორტი და კავშირგაბმულობა (11,3 პროცენტი), სოფლის მეურნეობა, მეთევზეობა (9,8 პროცენტი) და ჯანდაცვა (6,3 პროცენტი).
