მოსავლის აღების სეზონის მოახლოებასთან ერთად, პროკრედიტ ბანკი სოფლის მეურნეობის აქტიურ მხარდაჭერას განაგრძობს. ბანკი სოფლის მეურნეობით დაკავებულ კლიენტებსა და ყველა ახალ პოტენციურ მომხმარებელს შეახსენებს, რომ იგი აქტიურად განაგრძობს სოფლის მეურნეობის სექტორის მხარდაჭერას: სასოფლო-სამეურნეო პროდუქციის მწარმოებლებს ბანკი სრულ საბანკო მომსახურებას სთავაზობს, რომელიც ყველაზე უკეთ პასუხობს მათ მოთხოვნებს.
ბანკის მენეჯმენტი აცხადებს, რომ საქართველოში მოღვაწეობის მანძილზე, პროკრედიტ ბანკისთვის სოფლის მეურნეობის სექტორი საქმიანობის ერთ-ერთი მთავარი მიმართულება იყო. ამ დროის განმავლობაში სასოფლო-სამეურნეო პროდუქციის მწარმოებლებისა და გლეხების დაფინანსების საქმეში ბანკმა მდიდარი ცოდნა და გამოცდილება დააგროვა. დღეს პროკრედიტ ბანკი კლიენტებს სრულ საბანკო მომსახურებას სთავაზობს, რაშიც იგულისხმება საკრედიტო პროდუქტების ფართო სპექტრი, ყველა საბანკო ტრანზაქცია, შემნახველი და ვადიანი ანაბრები. საკრედიტო პროდუქტები სპეციალურად სასოფლო-სამეურნეო პროდუქციის მწარმოებლებისათვის, დარგის სეზონურობის გათვალისწინებითაა შემუშავებული. კრედიტის დაფარვის გრაფიკი და ვადიანობა გლეხებისა და მწარმოებლებისათვის სპეციფიკურ წარმოებისა და მოსავლის აღების ციკლის მიხედვითაა შედგენილი. 17 000 ლარამდე ოდენობის კრედიტები სამ წლამდე ვადით გირაოს გარეშე გაიცემა. ახლახან, კლიენტთა შემდგომი წახალისების მიზნით, პროკრედიტ ბანკმა მესაქონლეობით დაკავებული და თხილის ნარგავების მქონე კლიენტებისათვის კრედიტის აღების პროცედურა გაამარტივა, რის შედეგადაც კლიენტები კრედიტის გაცილებით სწრაფად აღებას შეძლებენ.
`სოფლის მეურნეობა საქართველოს ეკონომიკის ერთ-ერთი უმნიშვნელოვანესი სექტორია. საქართველოს გეოგრაფიული მდებარეობის, ნიადაგის ხარისხისა და კლიმატის წყალობით, ეს სექტორი ძალიან მიმზიდველია და ზრდის დიდი პოტენციალი აქვს. სოფლის მეურნეობის სექტორის განვითარება გაზრდის ადგილობრივ წარმოებას და სოფლად მცხოვრებ მოსახლეობას დასაქმების პერსპექტივებსაც შეუქმნის. მოხარული ვართ, რომ შეგვიძლია საქართველოში მოღვაწეობის მანძილზე დაგროვილი ცოდნა ჩვენი კლიენტების კეთილდღეობას მოვახმაროთ და განვაგრძოთ ჩვენი მისიის შესრულება - საქართველოს ეკონომიკის განვითარების ხელშეწყობა."- აცხადებს `პროკრედიტ ბანკი საქართველოს~ გენერალური დირექტორი მაია მერედოვა.
შეგახსენებთ, რომ პროკრედიტ ბანკი მცირე და საშუალო ზომის საწარმოების კომპლექსურ მომსახურებაზე ორიენტირებული ერთ-ერთი წამყვანი ბანკია საქართველოში, რომელიც ფიზიკურ და იურიდიულ პირებს საბანკო პროდუქტების სრულ სპექტრს სთავაზობს. ბანკმა საქართველოში ფუნქციონირება 1999 წელს დაიწყო და ამჟამად ქვეყნის მასშტაბით 60 ფილიალი აქვს გახსნილი. ბანკი საერთაშორისო პროკრედიტ ჯგუფის წევრია, რომელიც წარმატებით ფუნქციონირებს აღმოსავლეთ ევროპის თერთმეტ, ლათინური ამერიკის შვიდ და აფრიკის სამ ქვეყანაში. პროკრედიტ ჯგუფს სათავეში უდგას სს პროკრედიტ ჰოლდინგი (მაინის ფრანკფურტი, გერმანია).
