სოფლის მეურნეობის სამინისტრო აგრძელებს თანამედროვე ტექნოლოგიების დანერგვას. სოფლის მეურნეობის სამინისტროს ინფორმაციით, არგენტინული ტექნოლოგია სიმინდის ხანგრძლივად დასაწყობების საშუალებას იძლევა.
ლაგოდეხის რაიონში იმყოფებიან არგენტინელი სპეციალისტები, რომლებიც ქართველ კოლეგებს ტრეინინგებს უტარებენ და გამოცდილებას უზიარებენ. სიმინდი სილობეგებში ანუ სპეციალურ პოლეითელენის პარკებში, სპეცტექნიკის დახმარებით იყრება. ერთ სილობეგში 200 ტონა სიმინდის შენახვაა შესაძლებელი. ტექნოლოგია დიდი პოპულარობით გამოირჩევა მსოფლიოში სიმინდის ყველაზე დიდ ექსპორტიორ ქვეყნებში, რადგან სილობეგებში სიმინდის შენახვა უსაფრთხო, ხარისხიანი და იაფია. არგენტინაში, რომელიც სიმინდის ექსპორტის მიხედვით მსოფლიოს ერთ-ერთი მოწინავე ქვეყანაა, ყოველ წელს სილობეგებში ათობით მილიონი ტონა სიმინდს ინახვენ.