2011 წლის იანვარ-აგვისტოს წინასწარი მონაცემებით, საქართველოს საგარეო სავაჭრო ბრუნვამ (არაორგანიზებული ვაჭრობის გარეშე) 5 687 მლნ. აშშ დოლარი შეადგინა. აქედან ექსპორტი 1 371 მლნ. აშშ დოლარი იყო, ხოლო იმპორტი 4 316 მლნ. აშშ დოლარი.
"საქსტატის" ინფორმაციით, საქართველოს უარყოფითმა სავაჭრო ბალანსმა 2011 წლის იანვარ-აგვისტოში 2 945 მლნ. აშშ დოლარი შეადგინა.
"შეგახსენებთ, რომ ეს გახლავთ საგარეო ვაჭრობის იანვარ-აგვისტოს წინასწარი მონაცემები, ხოლო დაზუსტებულ მაჩვენებლებს საქსტატი 23 სექტემბერს გამოაქვეყნებს"- ნათქვამია "საქსტატის" მიერ გავრცელებულ ინფორმაციაში.
