აჭარის Twinning-ის პროგრამაში ერთვება და შესაბამის სამოქმედო გეგმის შემუშავებაზე იწყებს ზრუნვას. აჭარის სოფლის მეურნეობის სამინისტროს ინფორმაციით, სამინისტროს, ერთ თვიანი სამუშაო ვიზიტით ევროკავშირის პროგრამა Twinning-ის (საჯარო სამსახურების დაძმობილების) ჰოლანდიელი ექსპერტი - პეტრა გერეიტი სტუმროს.
ექსპერტის ვიზიტის მიზანს წარმოადგენს, აჭარის სოფლის მეურნეობის სამინისტროსთან ერთად, შეიმუშავოს პროგრამა Twinning-ის სრული საპროექტო წინადადება და სამოქმედო გეგმა. შემუშავებული პროექტი განსახილველად წარედგინება ევროკომისის წარმომადგენლობას დასამტკიცებლად. პროექტის დამტკიცების შემთხვევაში, სამინისტრო შეძლებს გაიზიაროს ევროპის ერთ-ერთი წამყვანი ქვეყნის გამოცდილება აგრარული პოლიტიკის შემშავებისა და აგრო-სერვის ცენტრის განვითარების მიმართულებით.
სამინისტროს ინფორმაციითვე, Twinning-ის პროექტში ჩართვა მნიშვნელოვნად შეუწყობს ხელს სამინისტროს 2010-2012 წლების სტრატეგიული გეგმისა და რეგიონის ეკონომიკური განვითარების 2011-2015 წლების სტრატეგიული გეგმით გათვალისწინებული ღონისძიებების წარმატებით გახორციელებას.
