დღეს, 12 სექტემბერს, გაეროს მოსახლეობის ფონდმა (UNFPA) საქართველოს სტატისტიკის ეროვნულ სამსახურს კომპიუტერული ტექნიკა გადასცა. "საქსტატის" ინფორმაციით, კომპიუტერულ ტექნიკას სტატისტიკის ეროვნული სამსახური 2010 წელს გაეროს მოსახლეობის ფონდის ფინანსური მხარდაჭერით შექმნილი გეოგრაფიული-საინფორმაციო სისტემების ჯგუფის მუშაობის უზრუნველსაყოფად გამოიყენებს.
"საქსტატის" ინფორმაციით, აღნიშნული ჯგუფი ახორციელებს საქართველოს თითოეული დასახლების სააღწერო დარაიონებას, რომლის მიზანსაც წარმოადგენს მოსახლეობის მომდევნო საყოველთაო აღწერის საველე სამუშაოების პერიოდში მოსახლეობის ზუსტი რაოდენობის აღრიცხვის უზრუნველყოფა.
აღსანიშნავია, რომ გაეროს მოსახლეობის ფონდი რეგულარულად უწევს საქსტატს როგორც ფინანსურ ასევე ტექნიკურ დახმარებას მოსახლეობის საყოველთაო აღწერის განხორციელების სხვადასხვა ეტაპებზე.
