საქართველომ მსოფლიო კონკურენტუნარიანობის რეიტინგში 88-ე ადგილი დაიკავა და შარშანდელთან შედარებით 5 ადგილით დაწინაურდა. ამის შესახებ ნათქვამია მსოფლიო ეკონომიკური ფორუმის კვლევაში.
ამჟამინდელი რეიტინგით ყველაზე კონკურენტუნარიან ქვეყნად შვეიცარიაა მიჩნეული, რომლის ეკონომიკის ძლიერ მხარეებს წარმოადგენს ინოვაციურობა, ტექნოლოგიური განვითარება და შრომის მაღალი ეფექტურობა. ქვეყნის სამეცნიერო ინსტიტუტები მსოფლიოში ერთ-ერთ საუკეთესოდ მიიჩნევა, ხოლო კავშირი სამეცნიერო ინსტიტუტებსა და ბიზნესსექტორს შორის ეკონომიკას მნიშვნელოვან კონკურენტუნარიანობის ხარისხს უზრდის.
მოხსენებაში აღინიშნება, რომ შვეიცარიის მოქალაქეები აქტიურად ითვისებენ ახალ ტექნოლოგიებს, ხოლო შრომის ბაზარი დაბალანსებულია პერსონალის უფლებების დაცვითა და დამსაქმებელთა ინტერესებით. რეიტინგში მეორე ადგილზეა სინგაპური, სადაც ეკონომიკამ მოწინავე პოზიციაზე წაიწია კორუფციის არარასებობისა და მთავრობის ეფექტური საქმიანობის საფუძველზე. მესამე ადგილზეა შვედეთი, რომელსაც გასულ წელს მეორე პოზიცია ეკავა. შემდეგ მოდის ფინეთი, აშშ, გერმანია, ნიდერლანედების სამეფო, დანია და იაპონია. რეიტინგში მეათე ადგილზეა დიდი ბრიტანეთი.
უნდა აღინიშნოს რომ საქართველოს მნიშვნელოვნად უსწრებს აზერბაიჯანი, რომელიც რეიტინგში 55-ე ადგილზეა, მაშინ როდესაც ეს ქვეყანა 57-ე ადგილზე იმყოფებოდა. 59-ე ადგილზეა თურქეთი, 66- ე ადგილზე აღმოჩნდა რუსეთი, ყახაზეთი 72-ე ადგილზე, რუმინეთი 77-ე ადგილზე, ხოლო უკრაინა 82-ე ადგილზეა, მაშინ როდესაც გასულ წელს ის 89-ე ადგილზე იმყოფებოდა. რაც შეხება მოლდოვას, მან შარშანდელთან შედარებით 1 ადგილით წინ წაიწია და 93-ე ადგილზეა. რეიტინგის პოლო ადგილზე აღმოჩნდნენ ბურუნდი, ჰაიტი და ჩადი.
