ე.წ. "აფხაზეთის რესპუბლიკის პრეზიდენტის არჩევნების შესახებ" კანონის მე-6 მუხლის 2 პუნქტის შესაბამისად, საკონსტიტუციო ვადის გასვლამდე აფხაზეთის რესპუბლიკის "პრეზიდენტის" მიერ თავისი უფლებამოსილების შეწყვეტის შემთხვევაში, აფხაზეთის რესპუბლიკის "კონსტიტუციის" გათვალისწინებით, აფხაზეთის რესპუბლიკის სახალხო კრება ამგვარი შეწყვეტიდან არაუგვიანეს 15 დღის ვადაში აფხაზეთის რესპუბლიკის პრეზიდენტის ახალი არჩევნებს ნიშნავს. არჩევნები აფხაზეთის რესპუბლიკის პრეზიდენტის უფლებამოსალების შეყწვეტიდან სამი თვის ვადაში უნდა ჩატარდეს.

"კონსტიტუციის" 66-ე მუხლის თანახმად, "პრეზიდენტის მიერ თანამდებობის დატოვების ან მისი გარდაცვალების შემთხვევაში ან პრეზიდენტის უფლებამოსილების შესრულების უუნარობის შემთხვევაში, უფლებამოსილება აფხაზეთის რესპუბლიკის ვიცე-პრეზიდენტზე გადადის".

ამასთან ერთად, "პრეზიდენტის" უფლებამოსილების მოვალეობის შემსრულებელ პირს "არ აქვს უფლება დანიშნოს რეფერენდუმი და შეიტანოს წინადადებები, რომლებიც აფხაზეთის რესპუბლიკის კონსტიტუციაში ცვლილებების შეტანას ეხება".

შეგახსენებთ, რომ აფხაზ სეპარატისტთა ლიდერი სერგეი ბაღაფში ამ დილით მოსკოვის ერთ-ერთ კლინიკაში 63 წლის ასაკში სიმსივნის დიაგნოზით გარდაიცვალა. მის ნაცვლად, სამი თვის განმავლობაში აფხაზეთის ე.წ. პრეზიდენტის მოვალეობას ე.წ. ვიცე-პრეზიდენტი ალექსანდრე ანქვაბი შეასრულებს.