პარლამენტის წევრის, უმრავლესობის წარმომადგენლის, ეკა ხერხეულიძის განცხადებით, პასუხისმგებლობა აქციის დაშლის დროს ხალხის დაშავებასთან დაკავშირებით "დემოკრატიული მოძრაობის" ლიდერს, ნინო ბურჯანაძეს ეკისრება.
"რუსთაველის გამზირზე, პარლამენტის შენობის წინ მომხდარ მოვლენებთან დაკავშირებით პასუხისმგებლობა ნინო ბურჯანაძეს უნდა დაეკისროს", - განაცხადა მან.
შეგახსენებთ, რომ სპეცდანიშნულების რაზმმა რუსთაველის გამზირზე მიმდინარე აქცია ცრემლსადენი გაზის, რეზინის ტყვიებისა და წყლის ჭავლის გამოყენებით დაშალა. არიან დაშავებულები.
