"თავისუფალი საქართველოს" ლიდერი კახა კუკავა ნაცემია. ამის შესახებ ჟურნალისტებს ინფორმაცია კუკავას თანაპარტიელმა ბეჟან გუნავამ განუცხადა.
"დარბევის შემდეგ კახა კუკავასთან დაკავშირება კარგა ხნის განმავლობაში ვერ ხერხდებოდა, თუმცა ცოტა ხნის წინ ჩვენმა აქტივისტმა მოგვაწოდა ინფორმაცია, რომ ის უმოწყალოდაა ნაცემი. რაც შეეხება მის ადგილსამყოფელს, ჯერჯერობით უცნობია", - განაცხადა გუნავამ.
შეგახსენებთ, რომ სახალხო კრების ორგანიზებული აქცია ცოტა ხნის წინ სპეციალური დანიშნულების რაზმის თანამშრომლებმა დაარბიეს.
