"ვფიქრობ, ჯონ ბასის სიტყვები დიპლომატისათვის ნორმალური და ჩვეულებრივი განცხადებაა", - განაცხადა "სახალხო კრების" ერთ-ერთმა ლიდერი ნინო ბურჯანაძემ ტელეკომპანია "მაესტროს" ეთერში აშშ-ის ელჩის მიერ გაკეთებული განცხადების კომენტირებისას.
ამასთან, ბურჯანაძემ აშშ-ის ელჩს სამძიმარი გამოუცხადა, აშშ-ში სტიქიის გამო დაღუპულ ადამიანთა გამო. მან მადლობა გადაუხადა დილომატიურ კორპუსსა და მათ შორის აშშ-ის საელჩოს მუდმივი ყურადღებისათვის.
"ვფიქრობ, დიპლომატისთვის ნორმალური და ჩვეულებრივი განცხადებაა. ეგვიპტეში შექმნილი მდგომარეობის გამოც ასეთი განცხადებები კეთდებოდა. თუმცა, როდესაც ხალხმა უკან არ დაიხია, მათი პოზიციაც შეიცვალა", _ განაცხადა ბურჯანაძემ და აღნიშნა, რომ მას აშშ-ის ელჩის მიერ გაკეთებულ განცხადებაში არ ესიამოვნა ის, რომ მან გამონათქვამი "რადიკალური ოპოზიცია" უწოდა.
"არ მესიამოვნა გამონათქვამი "რადიკალური ოპოზოცია". ჩვენ არ ვართ რადიკალური ოპოზიცია. ჩვენ ვართ ადეკვატური ოპოზიცია. ოთხ დღე სვიმყოფებოდით ტელევიზიასთან და ერთი სამართალდარღვევა არ ყოფილა. ჩვენ არ ვართ რადიკალური ოპოზიცია და რომ ვიყოთ, იქ სხვა ვითარება იქნებოდა", _ განაცხადა ბურჯანაძემ.
