სახალხო კრება აშშ-ის ელჩის ჯო ბასის განცხადებას აქციასთან დაკავშირებით უარყოფით კონტექსტში არ აღიქვამს.
როგორც ჟურნალისტებს სახალხო კრების ერთ-ერთმა ლიდერმა გია კობახიძემ განუცხადა, ამერიკის ელჩისგან სიტყვა კონფრონტაცია მათთვის უარყოფითად არ აღიქმება, რადგან ისინი თავად წავიდნენ ხელისუფლებასთან კონფრონტაციაზე, როდესაც განაცხადეს, რომ დღევანდელი რეჟიმი უკანონოა, როგორც სამართლებრივად, ისე მორალურად.
"ეს იყო ჩვენი მხრიდან კონფრონტაციის გამოხატვა, მაგრამ არ ვფიქრობ, რომ ეს სიტყვა ამ კონტექსტში უარყოფითად აღიქმებოდეს", - აღნიშნა კობახიძემ და დასძინა, რომ ქართველი ხალხი არ აპირებს, დღევანდელ რეჟიმს შეურიგდეს.
