ბაღდათიდან გაუჩინარებული 21 წლის ირაკლი ბაღიშვილის ცხედარი ქუთაისის მახლობლად, მდინარე რიონში იპოვეს. ბაღიშვილი აღდგომის შემდეგ ბაღდათის რაიონიდან გაუჩინარდა და დღემდე მასზე ძებნა იყო გამოცხადებული.
ირაკლი ბაღიშვილი აღდგომის ღამეს მეგობრებთან ერთად ბაღდათის რაიონში წვეულებაზე იმყოფებოდა, მოგვიანებით მან დამოუკიდებლად ქუთაისში დაბრუნება განიზრახა, სადაც დროებით ცხოვრობდა.
ბაღიშვილი ქუთაისში, აკაკი წერეთლის სახელობის სახელმწიფო უნივერსიტეტში სწავლობდა.
ამ დრომდე უცნობია მისი დაკარგვისა და გარდაცვალების ზუსტი დეტალები. მომხდარ ფაქტზე სისხლის სამართლის საქმეა აღძრული.
