ჰააგის საერთაშორისო სასამართლო 16 მაისს სამი ლიბიელი ჩინოვნიკის დაკავების ორდერს გასცემს, რომელთაც მკვლელობასა და ადამიანების დევნაში ბრალი ედებათ. ამის შესახებ Associated Press-ი იტყობინება.
ჩინოვნიკთა კონკრეტული სახელები არ ხმაურდება. თუმცა, სავარაუდოდ, მათ შორის ლიბიის ლიდერი მუამარ კადაფიცაა.
დღეს გავრცელებულ განცხადებაში ნათქვამია, რომ ლიბიის უშიშროების ძალები ფართო მასშტაბის სისტემატურ თავდახმებს ახორციელებენ.
პროკურორების თქმით, ძიების პროცესში მათ სამი პირი გამოავლინეს, რომლებიც, წინასწარი ინფორმაციით, კაცობრიობის წინაშე ჩადენილ დანაშაულზე პასუხისმგებელნი არიან. ეს დანაშაული კი 15 თებერვლიდან განხორციელდა, როცა ლიბიაში კადაფის მომხრეებსა და მოწინაღმდეგეებს შორის შეიარაღებული დაპირისპირება დაიწყო.
პროკურორთა განმარტებით, 11 ქვეყნის 50 მოწმის დაკითხვის შედეგად მათ მრავალმხრივი და მყარი მტკიცებულებები მოიპოვეს.
