ოსკაროსანი კეტრინ ბიგელოუ მუშაობს ფილმზე, რომელიც "ალ-ქაიდას" ლიდერ ბინ ლადენზე ნადირობას ეძღვნება. ამის შესახებ Deadline-ი იტყობინება.
მცირე ბიუჯეტიანი პროექტი დრამა უნდა გახდეს. ექსპერტების პროგნოზით, 1-ელ მაისს ბინ ლადენის ლიკვიდაციის ცნობა უკვე დასრულებულ პროექტს ბლოკბასტერად გადააქცევს.
გამოცემის ინფორმაციით, რეჟისორმა რამდენიმე კვირის წინ უკვე დაიწყო პროექტზე მუშაობა, სახელწოდებით "მოვკლათ ბინ ლადენი". ფილმის სცენარი მარკ ბოალმა უნდა დაწეროს, რომელიც კეტრინ ბიგელოუსთან ერთად "ქარიშხლების მბრძანებელზე" მუშაობდა.
ფილმის საფუძველი ტერორისტის განადგურების წარუმატებელი მისია უნდა ყოფილიყო. მთავარი როლი ჯოელ ედგერტონს უნდა შეესრულებინა.
ბიგელოუს უკანასკნელი ფილმი "ქარიშხლების მბრძანებელი" ეკრანზე 2008 წელს გამოვიდა. სურათმა "ოსკარის" ექვსი პრემია დაიმსახურა, მათ შორის, ისეთი კატეგორიისთვის, როგორიცაა "საუკეთესო ფილმი", "საუკეთესო რეჟისორი", "საუკეთესო სცენარი" და სხვა. პირველ ორ კატეგორიაში ამ ფილმმა ჯეიმს ქემერონის სახელგანთქმულ "ავატარსაც" გაუსწრო.
