"ქრისტიან-დემოკრატები" სანდრო გირგვლიანის ოჯახის სასარგებლოდ საქართველოსთვის დაკისრებული სანქციის გადახდას კონკრეტული დამნაშავე პირებისგან ითხოვენ.
როგორც ევროსასამართლოს მიერ გირგვლიანის საქმეზე შესახებ განაჩენის შეფასებისას "ქრისტიან-დემოკრატების" წევრმა, ვიცე-სპიკერმა ლევან ვეფხვაძემ აღნიშნა, იგი ევროსასამართლოს მიერ სხვა გადაწყვეტილების მიღებას არც ელოდა, იმ ფაქტების გათვალისწნებით, რაც როგორც მკვლელობის საქმის ძიების დროს, ისე სასამართლო პროცესებზე ხდებოდა.
"ევროსასამართლომ ადეკვატური შეფასება მისცა მთელ ამ პოროცესს და მისი გადაწყვეტილებაც ბუნებრივი იყო. რაც შეეხება დაკისრებული სანქციას, რომელიც 50 ათას ევროს შეადგენს უნდა გადაიხადოს არა სახელმწიფომ, არამედ კონკრეტულმა დამნაშავე პირებმა საკუთარი ჯიბიდან - მკვლელებმა, პროკურორმა, მოსამართლემ და ა.შ." - აღნიშნა ვეფხვაძემ.
