მოსკოვში დღეს დაიწყო და 28 აპრილამდე გასტანს კონფერენცია თემაზე: "საქართველო -რუსეთი 2020; რა იქნება ხვალ?". ამ ღონისძიებას, რუსული მედიის ინფორმაციით, ალექსანდრე ებრალიძის ორგამიზაცია "საქართველოს ხალხთა მსოფლიო კონგრესია" რუსეთის საზოგადოებრივ პალატასა და საზოაგდოებრივი პროექტოირების ინსტიტუტთან ერთად ჩაატარებს. ინფორმაციას ამის შესახებ რუსული მედია ავრცელებს.
მათივე ინფორმაციით, კონფერენციაში მონაწილეობას მიიღებენ ცნობილი ქართველი და რუსი პოლიტიკოსები, ხელისუფლებისა და საზოგადოების წარმომადგენლები, პოლიტოლოგები და ჟურნალისტები.
რუსეთის მხრიდან, კონფერენციაში მონაწილეობას მიიღებენ მაქსიმ შევჩენკო, გეიდარ ჯემალი, ვალერი ფადეევი, ვიაჩესლავ ნიკონოვი, ალექსეი პუშკოვი, კონსტანტინე კოსაჩოვი, ვლადიმერ მამონტოვი და სხვები.
კონფერენციაზე იგეგმება რიგი მნიშვნელოვანი საკითხების განხილვა, მათ შორის - "მომავალ ხუთ წელზე გაწერილი მოდელირებული სცენარი. კავკასიის პოლიტიკა, როგორც ერთობლივი პროექტი თუ განხეთქილება". "ჩვენი ადგილი მსოფლიოში. რუსეთი-საქართველო, რომელ ცივილიზაციას ვეკუთვნით?", "დემოკრატია თუ ავტოკრატია და ჰუმანიტარულ -ეკონომიკური თანამშრომლობა".
კონფერენცია "საქართველოს ხალხთა მსოფლიო კონგრესის" ინიციატივით ტარდება.
