საქართველო რუსეთის ვაჭრობის მსოფლიო ორგანიზაციაში გაწევრიანების წინააღმდეგი არ არის, თუმცა ამას არც უპირობოდ დათანხმდება. ამის შესახებ საქართველოს საგარეო საქმეთა მინისტრის მოადგილე ნინო კალანდაძემ დღეს გამართულ პრესკონფერენციაზე განაცხადა.
"ჩვენ არაერთხელ განგვიცხადებია, რომ მზად ვართ ხელი შევუწყოთ რუსეთის ვმოში გაწევრიანებას და სწორედ ამ მიზანს ემსახურება ის, რომ დავთანხმდით მოლაპარაკებებს, რომელიც მიმდინარეობს. ჩვენ განსაკუთრებულად წინააღმდეგი არ ვართ იმისა, რომ რუსეთი ორგანიზაციაში გაწევრიანდეს, თუმცა ეს არ ნიშნავს რომ რუსეთს გაწევრიანებას საქართველო უპირობოდ დათანხმდება", - განაცხადა კალანდაძემ.
მისივე განმარტებით, საქართველოს მოთხოვნები კვლავ ძალაში რჩება და მათი დაკმაყოფილების შემთხვევაშუ მოსკოვი ვმო-ში გაწევრიანებასთან დაკავშირებით თბილისის მხარდაჭერას მიიღებს.
