ოფიციალურ თბილისს იმედი აქვს, რომ რუსეთის ფედერაციის მიერ გაგრაში კაზინოებისა და გასართოები ცენტრების მშენებლობასთან დაკავშირებით საერთაშორისო თანამეგობრობა სათანადო შეშფოთებას გამოთქვამს.
"ჩვენი პოზიცია იქნება ისეთივე, როგორიც სოჭის ოლიმპიადასთან დაკავშირებული ყველა არალეგიტიმური ქმედების თაობაზე... ამის თაობაზე შეშფოთებას გამოვთქვამთ და საერთაშორისო თანამეგობრობის ინფორმირებას მოვახდენთ. იმედი გვაქვს, რომ მათი მხრიდანაც სათანადო შეშფოთება გამოითქმება და ლეგალურ ჩარჩოებში მოხდება ოლიმპიადისთვის დაგეგმილი მშენებლობების მოქცევა", - განუცხადა საქართველოს საგარეო საქმეთა მინისტრის მოადგილე ნინო კალანდაძემ ჟურნალისტებს.
შეგახსენებთ, რომ რუსული მედიით გავრცელებული ინფორმაციით, სოჭირს 2014 წლის ოლიმპიადისთვის გაგრაში კაზინოების, გასართობი ცენტრებისა და სასტუმროების მშენებლობა იგეგმება.
