ვაზიანში საქართველოს შეიარაღებული ძალების პირველი საარტილერიო ბრიგადის ახალი დისლოკაციის ადგილის გახსნის დროს სიტყვით გამოსვლისას საქართველოს პრეზიდენტი მიხეილ სააკაშვილი ავღანეთში სამხედრო კონტიგენტის გაზრდას გამოეხმაურა.
"ჩვენ გამოვეხმაურეთ ჩვენი მოკავშირეების, აშშ-ის, ჩვენი სტრატეგიული პარტნიორის ლიდერის პრეზიდენტ ობამას ინიციატივას, ავღანეთში კონტიგენტების გახსნის თაობაზე და საქართველო უახლოეს პერიოდში ზრდის კონტინგენტებს. ჩვენი კონტიგენტი არის რამდენიმე ქვეყნის შემადგენლობაში. ყველაზე დიდი არის ამერიკის შემადგენლობაში, მაგრამ ასევე საფრანგეთისა და ინგლისის კონტიგენტების შემადგენლობაშიც", - განაცხადა საქართველის პრეზიდენტმა და აღნიშნა, რომ საქართველოს კონტიგენტებს, განსხვავებით ზოგიერთი ევროპული ქვეყნისგან, არ აქვთ არანაირი შეზღუდვები საბრძოლო მდგომარეობაში ჩართვისა.
"არის ქვეყნები, რომლებიც უკრძალავენ თავიანთ ჯარს ბრძოლაში მონაწილეობის მიღებას. ვფიქრობ, ჩვენი ჯარისთვის ეს არის უნიკალური საშუალება და უნიკალური შესაძლებლობა ნამდვილ საბრძოლო ვითარებაში მიიღოს ნამდვილი საბრძოლო ნათლობა. ჩვენ არ გვჭირდება უბრალოდ აღლუმზე საჩვენებელი ჯარები. ჩვენ გვჭირდება ჯარი, რომელმაც იცის ბრძოლა. ამის სწავლის და გამოცდილების მიღების უნიკალური შესაძლებლობაა ავღანეთში ოპერაციაში მონაწილეობის მიღება", - განაცხადა სააკაშვილმა.
