დასავლეთის მხრიდან სულ უფრო მზარდი პოლიტიკური ზეწოლის გამო ირანმა საერთაშორისო ბაზრებზე ოქროს შესყიდვა დაიწყო, რაც ქვეყანას დოლარისგან თავის დაღწევაში დაეხმარება. ამის შესახებ "ფაინენშელ თაიმსი" იტყობინება.
ირანის ასეთი ქმედება ინგლისის ბანკის წარმომადგენელმა ენდრიუ ბეილიმაც დაადასტურა. ფინანსისტმა აშშ-ის ხელისუფლებას აუწყა, რომ ირანმა ოქროს მნიშვნელოვანი შესყიდვა დაიწყო, რაც მას საკუთარი რეზერვის კონფისკაციისგან დაცვის შესაძლებლობას მისცემს.
საკუთარ ეკონომიკაზე ამერიკული დოლარის გავლენის შესამცირებლად, თეირანი უკანასკნელ ხანს საერთაშორისო ბაზრებზე ოქროს ყველაზე მსხვილი შემსყიდველია.
ირანი იმ 20 ქვეყანას შორის შედის, რომელსაც მსოფლიოში ყველაზე დიდი რაოდენობის ოქროს მარაგი გააჩნია. არსებული ინფორმაციით, ირანს 300 ტონა ოქრო აქვს.
ცნობისთვის, ოქროს ფასი არაბულ ქვეყნებში არეულობის შედეგად გაიზარდა. უნცია ოქროს ფასმა მარტის დასაწყისში რეკორდულ 1437 დოლარს მიაღწია.
